|
SubscriptionsSites I Read
|
|
|
|
| 呢個時間寫blog係咪好怪呢？淩晨6點3呢個moment有人叫我踩Q-zone空間...先突然想寫返下呢幾日發生嘅事.生活資金啱出糧先幾日就已經出現赤字危機,所以邊個話我生活好有錢仔呢類説話,你比我斬死你啦!話説想起星期一做節目嘅時候,改版出咗新環節笑談廣東話.最記得做到尾嘅時候,一到準備唱歌個part,阿肥話cut.完全唔知咩事,第2次續落去.點知又cut,叼!到最後呢個廣東話節目夭折咗.甘究竟做唔做落去好呢?最經典個part就係請咗海峰學講廣東話，我從記憶中搵同音字翻譯下:梗梗漿漿灑屎米zi多奀奪娘.(緊緊張張10蚊紙都唔多張!)我覺得海峰可以去南非同個邊兒童溝通囖...事後知道細昭有聼節目,細昭話我rap得好勁,仲以爲自己好勁嘅時候細昭講多句,唔知講乜...刀啊!比我啊!比我斬死條撲街啊!感謝廣大嘅et,竟然有聼到我做節目,多謝班嘅同學有聼我做節目,多謝!仲要多謝lillian.我一定學好國語唱衰你!你等我!愛樂社新幹事定好曬啦!不過今年新人完全冇靚仔靚女!比我走!唔好阻我!比我跳落街!喂!我走啊!搵個人拉住我先啦!眾:又話唔好阻你.. 今年新人完全冇方向感,算係成功定失敗?問社長大人啦!感覺上謝詠歆入咗之後變蠢咗,隆胸兄淋咗...今晚叫佢哋寫策劃,希望掂啦,教好多嘢啦...話説最近看到網上報道可樂+萬樂珠會爆..所以當晚我落7仔買咗可樂同萬樂珠,第一次放,根本拆唔切d糖放入去就已經冒泡了.我....火箭嘅錄像變咗睇可樂變活火山+某傻人拍足3分鐘..吸取教訓之後再去買多份搵ocean一齊做實驗...叫醒ocean同佢係露台打算比佢吹醒個人再玩。突然can捧咗兩杯可樂,上面仲有檸檬片,講完多謝之後can話唔使多謝,因爲我受唔住誘惑開咗你支可樂飲曬.我......最後就一段可樂自冒泡嘅錄像,假如有人有興趣我再上傳吧...當晚7仔換小熊維尼扣針,一次過買咗5隻,第一個,跳跳虎.好靚噢.第2個,跳跳虎.都好,送比lillian啦，佢都鐘意.第3,跳跳虎.好,我黑仔!第4個,跳跳虎.邊個有刀我要斬死個職員.第5個,跳跳虎.邊個有錘?我要拆咗間7仔啊!唔好攔我!!!!!最後我得出一個結論:我唔儲呢套嘢啦...各位!記得凖時返學吖!我瞓啦!加油! | | |
| 
今日返咗去已經成年幾冇返嘅cct twinsclub度睇下,發覺佢哋兩個又出咗好多新專輯.雖然E+冇以前 0甘癲,但都依然有時間就聼返佢哋嘅歌.由6年前嘅暑假開始鐘意到E+.自己都覺得有dd詭異,估唔到自己可以對一件事物保持0甘耐嘅熱情.雖然Twins變得商業化,冇咗以前個種天真.的確人會成長嘅.兩位小姐由澳門表演冇人知到現在嘅萬人迷,我都鄧佢哋開心.諗起以前為咗張專輯,成個星期食唔好哈哈.握手見面會呃走工作人員個工作證入後臺搵佢哋.為咗慶祝gill生日吹風到淩晨兩點等佢.為咗Twins玩古龍群俠傳.呢d作爲Fans嘅回憶,真係好開心,好得意!你哋兩個要繼續dum油吖,同埋快小小結婚!睇下個兩條佬咩款都好吖! 
Twins ~my sweet memory... PS:今日發現咗阿gill個blog..雖然寫好小字,但好興奮~佢都用xanga架！ | | |
| 
雖然今日開咪時間好小（兩個拍檔在節目初期實在混亂）幸好到最後還能用得上我哈哈 今天的節目雖然說些我不太感興趣的東西 下星期會變好吧 因爲要改版啦 下星期有笑談廣東話 大家想第一期廣東話教乜嘢即管提下意見 今天除了星期一的節目組員外 還有星期三的keith&mrs.chan 還有可愛的肥鳴（勁似我一個電臺朋友）今次影相小咗阿肥 下次一定補上 
左到右：mrs.chan 黃狗 團長 keith 娘子 肥鳴 | | |
|
